Bhakti ka ek aur bhi prakar hai ki jisme jo bhi hai aapke paas, use apne saath walo ko bante aur woh bhi us bhav ke saath ki yah uske haq ka hai, dene wale ka usme koi upkar nahi hai. Agar aaj nahi doge to kal sut ke saath chukana padega.
Yeh aisa hi hai ki ek mahine kisi bhi suvidha ka bhugtan kiya ho aur uska mulya samay anusar na chukaya jaaye to kuch jyaada paise dene padte hai, yeh bhi kuch aisa hi hai. Aap jab kisi suvidha ka mulya chukate ho to kabhi aisa sochte ho ki aap suvidha prapt karvane wale nigam pe upkar kar rahe ho ? Nahi, kyuki aapne bhugtan kiya hai to mulya chukana padta hai, waise hi jo aapke paas hai woh aap ko apne aas paas walo ke saath baatna chahiye.
Sant rahim ne bhi kaha hai ki " devan haar koi aur hai, bhejat jo din ren, log bharam hum pe kare, tanso niche nain " yani ki dene wala to koi aur hai jo din raat sab ko deta hai aur woh bhi unch nich dekhe bagair aur agar koi iska bharam kare ki main kisi ko de raha hun to najare sharam se niche jhuk jaani chahiye.
Shree ramay Shree krishnay Namah!!
