Ram Krupa

Ram krupa binu chain na aave !
Hari pal prabhu viyog sataye !!
Ram darash binu anand na pave !!!

Kehi bidhi prabhu darash dikhave !
Nigam neti shiv ant na paave !!
Ram darash binu anand na pave !!!

Man melan santap badhave !
Kaam lobh chit ko sulgave !!
Patit pavan binu kon bachave !!!

Nishidin bhav pidan rulave !
Bhramat raho chain na aave !!
Ram krupa binu chain na aave !!!

Sukh dukh sab prabhu tohi sunave !
Tum binu bhav nidhi kon tarave !!
Tohri gati phir kyun na ubaare !!!
Ram darash binu anand na pave !!!!

Sarang Pani Ram Stuti

|| Jay Siya Ram ||
|| Jay Hanuman ||

| Mero Raam Param Hitkari | Bhagat Vipatti Bhanjan Ko Aatur ||
|Mero Raam Param Hitkari | Mero Raam Param Upkari ||

| Karunya Swabhav Sat-Chit-Aanad Swaroop Deh Tumharo ||
|Mero Raam Param Hitkari | Mero Raam Param Upkari ||

| Trividh Banavan Haro Jag Dekhan Jag Pekhan Haro ||
|Mero Raam Param Hitkari | Mero Raam Param Upkari ||

| Jehi Namat Shiv Brahma Aadi Sur Tehi Jag Palan Haro ||
|Mero Raam Param Hitkari | Mero Raam Param Upkari ||

|| Santan Ruchi Ruchi Rakhan Haro Khud Se Bad Sant Chahan Haro ||
|Mero Raam Param Hitkari | Mero Raam Param Upkari ||

| Muni Dukh Taran Jag Mangal Karan Kaushalya Garbheu Janam Levan Naro ||
|Mero Raam Param Hitkari | Mero Raam Param Upkari ||

| Muni Bhay Haran Yagna Vighna Hari Sanath Kar Naro ||
|Mero Raam Param Hitkari | Mero Raam Param Upkari ||

| Ahilya Ko Shraap Haari Pati Lok Var Devan Haro ||
|Mero Raam Param Hitkari | Mero Raam Param Upkari ||

| Shiv Danush Bhanjan Kar Viveki Janak Chinta Metan Haro ||
|Mero Raam Param Hitkari | Mero Raam Param Upkari ||

| Raghukul Bhushan Pitu Bachan – Kul Maryada Hit Kanan Javan Haro ||
|Mero Raam Param Hitkari | Mero Raam Param Upkari ||

| Adham Kevat Charan Pakharan Dehi Bhagat Ruchi Puran Karnaro ||
|Mero Raam Param Hitkari | Mero Raam Param Upkari ||

| Chap Dharak Sangram Khar Dushan Jitan Haro ||
|Mero Raam Param Hitkari | Mero Raam Param Upkari ||

| Raavan Ko Nij Dham Dei Sur Santan Abhay Devan Haro ||
|Mero Raam Param Hitkari | Mero Raam Param Upkari ||

| Jehi Namat Swayam Avinashi Shiv Tehi Namat Aham Mati Mand Bhakt Tero ||
|Mero Raam Param Hitkari | Mero Raam Param Upkari ||

|Mero Raam Param Hitkari | Mero Raam Param Upkari ||
|Mero Raam Param Hitkari | Mero Raam Param Upkari ||

|| Jay Siya Ram ||
|| Jay Hanuman ||

Kuch Dohe - Ram Charit Manas

कामी हि नारि प्यारि जिमि, लोभि हि प्रिय जिमि दाम ।
तेहि भाँति निरंतर मोहि प्रिय लागहि रघुकुल मनि रघुनाथ ॥

-- जिस तरह से कामि पुरुष को नारि प्रिय लगति है, जिस तरह लोभि को धन प्रिय लगत है, उसि तरह रघुकुलमनि रघुनाथ प्रभु श्री

राम मुझे निरंतर प्यारे लगते रहे !

--------------------------------------------------------------------------------------------------------------

सपनें होइ भिखारि न्रुपु रंकु नाकपति होइ ।
जागें लाभु न हानि कछु तिमि प्रपंच जियँ जोइ ॥

--- सपने मे भिखारि अगर राजा हो तो वोह सपने मे राजा होने का सुख भोगता है और उसि तरह से कोइ राजा सपने मे भिखारि हो

तो वोह सपने मे दरिद्र होने का दुख भोगता है पर सपने से राजा जागने के बाद राजा हि रहेता है और भिखारि दरिद्र हि रहेता है उसि

तरह जिवन कि वास्तविक्ता को पहेचानिये और उसका स्वीकार करे क्युकिं किये हुऐ किसि भि मनोरथ का जिवन कि वास्तविक्ता पर

कोइ असर नहि पडता.

Shiv Tatva

Aaj is maha shivratri ke paavan parva pe main aapko shiv tatva se avgat karvata hun. Shiv tatva param satya aur tej punj jyoti hai. Shiv ka na hi janm hua hai aur nahi kabhi unka ant hota hai. Shiv puran ke anusar shiv woh hai jo jagat utpatti ke samay brahma ban ke is sansar ka nirman karte hai, wohi prabhu shree lakshmi narayan ban kar is jagat ka lalan palan karte hai aur jab brahmand ki avdhi ki samapti ke bad wohi shiv maha rudra bankar sabhi pavitra aatma aur vedo ke apne me sametkar is pruthvi ka lay karte hai.

Hamari samajh ke anusar yeh tino tatva alag alag hai par yeh tino ek hi tatva hai par swarup bhinn hai aur unke karm alag hai. Sant tukda ji ne kaha hai ki " Har Desh Me Tu, Har Bhesh Me Tu, Tere Bhinn Swarup, Tu Ek Hi Hai. Teri Rang Bhumi, Yeh Vishwa Bhara, Har Khel Me Tu, Har Mel Me Tu ".

Aaj ke is paavan parva pe kahte hai ki shiv pooja ka bada anokha mahatva hai par sahi arth me dekha jaaye to kisi bhi Vishwa vastu ya kaamna ki prapti ke liye kiye jaane wale karma ya pooja kabhi utna fal nahi dete ki jitna apne aap ko samarpit karne ki iccha se bhagwat karma kiya jaye kyuki uska fal aluakik sukh hota hai. Alaukik ka arth woh ki jo is lok ke nashvant sukh se pare hai.

Shiv ki pooja ka koi nischit samay ya anusthan ki aavshyakta nahi bas kisi bhi waqt sacche man aur shraddha se us shiv ka sumiran karo. Shiv mahimna stotra me kaha hai ki " om " se bada aur koi mantra nahi hai bas us mantra pe vishwas kare aur shiv kahte hai ki tum chahe paavan ho ya apaavan, tum ganga jal ka pan karne wale ho ya chahe madira/rakt pan karne wale ho bas ek bar meri sharan me aa jao, main sabka swikar karta hun to bas sab kuch bhul kar us shiv ke sharan grahe aur unka sumiran nirantar karo.

!! Shree ramay Shree krishnay Namah !!

Shiv Shakti Ka Punah-Milan

Shiv ji vishwas ka pratik hai aur shakti (sati/parvati) shraddha ka partik hai, yeh dono ek dusre se abhinna hai kyuki vishwas bagair ki shraddha ko jalna padta hai aur shraddha bagair ke vishwas ko bhatakna padta hai. Aisi hi kuch ghatna tretayug me ghati thi, ek bar shiv aur sati - agast rushiji ke ashram me gaye the ram katha sun ne ke liye, shiv aur sati ko dekh kar agast rushi ne unka swagat kiya, unke charan dhoye, unki prarthan ki.

Waise to niyam anusar hamesha shorta vakta ki pooja karta hai par yaha shiv aur sati shrota the phir bhi agast rushi ne unki pooja ki, aur agast rushi ki is saralta ka prabhi shiv ne bahot accha matlab nikala ki rushi kitne saral hai par sati ji ne iska galat matlab kiya ki, yeh to abhi se hamare charan dhone lage hai to yeh kya kata kahenge, isliye unhone katha sahi tarike se nahi suni aur tabhi woh ram swaroop ko jan nahi paye.

Jab Shiv/Sati katha sunkar wapas lot rahe the usi samay ek ghatna ghatit hui, treta kal chal raha tha aur prabhu shree ram apne pita ke vachan ka palan karte hue vanvas ka palan kar rahe the, usi samay daramyan dandika rainya me sita ji  ko dhundh rahe the aur jab yeh shivji ne dekha tab woh kahe uthe ki "Jay Ho Sacchidananda", "Jay Ho Jagpalaka" par satiji ne katha dhyaan se suni nahi thi to woh ram prabhu ko pahechan nahi paye aur kaha ki prabhu aap bhi bade bhole hai jo in do purusho ko prabhu kahekar naachne lage. Shivji ne kai bar samjhaya par satiji ko yeh bat samajh me nahi aai aur unhone ramji aur lakshmanji ki pariskha karne ki ruchi batai, shivji ne phir ek bar samajhya par jab satiji nahi mane tab shivji ne kaha ki thik hai jaaiye par ek bat ka dhyaan rakhiye ki woh mere isht dev hai to unki parikhsa karte samay vivek na bhuliyega. Itni bat kahekar shivji ne prabhu ke aadhin maya ko dhanya kaha ki aaj tumne satiji ko bhi vash me kar liya.

Satiji ne bahot soch kar sitaji ka rup lekar, dhire dhire se prabhu shree ram ke aage chalne lage, lakshmanji yeh dekhkar pahechan gaye ki yeh to shree satiji hai par unhone ne kuch kaha nahi, jab lakshmanji ko yeh bat pata chal gai to prabhu shree ram se to kab tak chupi raheti, prabhu shree ram ne satiji ko sitaji ke rup me dekhkar kaha ki mere pita shankar kaha pe hai, aap van me akele kyu ghum rahe ho, yeh sun kar satiji ko pata chal gaya ki prabhu shree ram sach me hi parabhrama hai aur satiji waha se bhag gaye, prabhu shree ram ko laga ki lao main satiji ko apni vyapakta dikhata hun aur satiji jaha dekhe waha unhone sita ram aur lakshman ji dikhne lage tab woh aakhne bandh kar ke raste me beth gaye aur kuch waqt bad woh shivji kar pas chale gaye.

Shivji ne pucha ki devi kaho aapne kaise parikhsa ki, tab satiji ne juth kaha ki maine koi pariksha nahi ki, aapne dur se pranam kiye aur maine paas me jaake pranam kiye, shivji ne tab dhyan me dekha to pata chala ki satiji unse juth bole hai aur unhone sitaji ka roop liya tha isiliye unhone satiji ka tyaag kiya yani ki aak vishwas ne shraddha ka tyaag kiya, tabhi shraddha rup satiji apne pita ke yagna me hath kar ke gaye aur yagna ki agni me unhone apne pran ka tyag kiya aur shraddha bagair ke vishwas rup prabhu shiv is ghatna ke bad kai varsho tak bhatakte rahe, kai hazaro varsho bad satiji ka janma himachal ke yaha hua aur phir ek bar bade tap ke bad parvatiji ka shiv se punaha milan hua.

Hamare liye samajhne ki bat yeh hai ki, ek juth hum jiv ko shiv se dur le ja sakta hai aur uske bad kai varsho ke tap aur sadhna ke bad jiv ka shiv se punah milan hota hai. Is dharti par jinka janm hua hai woh shraddha rupi shree satiji ke saman hai jo shivji ka viyog sahan karne ke liye is dharati pe janme hai aur jab tak tap aur saadhna na ki jaaye tab tak hum is jivan/maran ke fand se bahar nahi aa sakte kyuki jivan/maran ke fand se mukt hona yani jiv ka shiv se milan.

!! Shree Ramay Shree Krishnay Namah !!

Parinay (Lagna/Shadi) Sanskar

Yeh thoda ras prad vishay hai ek aam najriye se par uske piche ka ek tathya hai jo shayad kai shaadi karvane wale pandito ko bhi pata nai hogi aur shayad ho bhi.

Shadi ki Pratha ke piche ka sabse bada aur mahatva purna karan hai kam ko baadhit karna. Jis tarah janeu sanskar ke piche ka karan hota hai brahmacharya ka paalan, usi tarah shadi ke piche ka karan hai hamare andar chipe hue kam ko baadhit karna taki hum vyabhichar na karne lage. Shadi ke dauran lagaye jane wale pahele 4 phere bada hi ghood matlab rakhte hai jo main yahan aapke samne rakhne ja raha hun.

1. Aaj se hum pati patni dharm ka paalan karenge aur ek dusre ko dharm marg se chalit hone se rokenge.

2. Aaj se hum shadi ke is pavitra bandhan me bandhe hai to hume artho parjan bhi karna padega, ghar chalane ke liye to hum dravya (paise) bhi kamayenge lekin dharma ki maryada me, yani ki koi paap ya adharma kar ke arthoparjan nahi karenge.

3/4. Aaj hum shadi ke bandhan me bandhe hai to hum sansar ke kam sukha ka bhi bhog karenge taki hamare sansar ki vruddhi ho lekin moksha ki maryada me taki hamari santati hamari uttarkriya kare aur hume moksh mile.

Aaj ke is jagat me sab yeh bhul chuke hai, sahi sukh aur shanti ki prapti ke liye iska palan jaruri hai.

Shree ramay Shree krishnay Namah !!

Feel Free and Feel Safe

!! Jay Shree Ram !!
!! Jay Shree Bajrangi !!
!! Jay Shree Shambh Sada Shiv Sambhu !!

The title of this post says everything about what I specifically meant to say..

Please feel free to contact me through the medium of comment regarding any problem that you are facing in your life and expect free advice based upon the few special energies and sense that I've.

Now a days you must be seeing few people cheating people on the name of religion, doing rituals to make people free from their sins while taking a huge amount of money, people do believe them as they don't have any other alternative except to believe seeing their gesture/posture or the threatening sesentences said by such kind of people but I'm here assuring you all that you won't need to invest any single amount of money to get relief from the problems that you are facing in your life. 

All of our bound to pay for the sins we have done, there are no exceptions in this rule, not even a father of god. So be believer and do right ritual yourself rather than getting any getting into any commercial ritual taking huge amount not delivering worth solutions!

All the advices suggested by me will not require any kind of monetarily investment but just investment of time with a full concentration of trust.

-- Lord Rama will make you free from your sins and will fulfill your life with joy and never ending happiness.

!! Jay Shree Ram !!
!! Jay Shree Bajrangi !!
!! Jay Shree Shambh Sada Shiv Sambhu !!