" Nirantar Bahat Hai Pakhand Ki Dhaara, Nat Bani Naachat Hai Jagat Saara "
Uprokt pankti me kaha gays hai ki sampurn jagat aaj ek paakhandi ki bhanti kuch aur hone ka swang racha kar din pratidin ke vyavhaar karta hai aur is khel me har koi nat (nrutya karne wali nrutyangna) ki tarah nachte hai aur woh bhi sirf jhuti prasansha ya prabhaav ki prapti ke liye. Har koi is ke bhayanak parinam se anjaan hai.
Yeh kuch is bhanti hai ki agar surya jo tej bahar fekta hai, uski jagah agar woh tej khud me vilop kar ke chandra ki tarah agar shitalta dhaaran kar le to ek gambhir parinam yeh ki suraj us ke khud ke tej se jal jaayega aur dusra ki pruthvi pe surya se chalne wali har chiz nasht ho jaayegi.
Isi tarah hi hume jo mila hai woh dusro ki dikhane ya prapt karane ke liye hota hai par jab hum use chupate hai tab kai bar galat aashayein peda hoti hai ki jis se us manav ka akalyan hota hai aur uski aanewali pidhion me bhi yehi durgun aata hai.
Hamare grantho me vivaran hai ki manav utna hi ya wohi dikhaye jo uske paas hai, varna uska akalyan hota hai aur usi marg pe hum mrug jal ko dekh kar apni koi chah ya pyaas bhujane aage badhte hai ki jo hume apne akalyan ki taraf aur aage le jaati hai.
Manav ka kalyan aur akalyan unke khud ke haath me hi hai aur yeh khubi khud ishwar ne hi hume di hai par fark sirf use pahechan ne ki hai.
Shree ramay Shree krishnay Namah !!
No comments:
Post a Comment